Friday, February 26, 2021
Home ताजा समाचार Jagdalpur: बस्तर पुलिस ह करिन नववर्ष मिलन समारोह के आयोजन, बस्तर आईजी...

Jagdalpur: बस्तर पुलिस ह करिन नववर्ष मिलन समारोह के आयोजन, बस्तर आईजी ह गिनाईस पुलिस के उपलब्धि

जय जोहार…. (Jagdalpur) बस्तर पुलिस के तरफ ले सनिच्चर के नववर्ष मिलन समारोह के आयोजन करे गे हे। ए अवसर म बस्तर आईजी सुंदरराज पी ह पत्रकार मन ले चर्चा करत हुये कहिन कि बीते साल 2020 के पुलिस के उपलब्धि ल गिनाइस अऊ रेंज के पुलिस के कार्य ल संतोषप्रद बताईस।


वो हा बताईस कि (Jagdalpur) संभाग म जानलेवा कोरोना वायरस के प्रकोप ह धीमा पड़ गे हे, लेकिन संभाग म अब तक 6960 ले जादा पुलिस जवान मन ह कोरोना के चपेट म आ चुके हे। एमा सिपाही ले लेके इंस्पेक्टर रैंक तक के अधिकारी ह शामिल हे।

वो हा चार साल के आपराधिक आंकड़ा ल पेश करिन। तुलनात्मक रूप ले चोरी, एनडीपीएस, अपहरण, आवश्यक वस्तु अधिनियम, धोखाधड़ी समेत आन आपराधिक मामला म कमी अऊ शीलभंग, लूट, बलात्कार, बलवा, मारपीट म वृद्धि आय के जानकारी दीस। बस्तर आईजी सुंदरराज पी ह बताईस कि साल 2019 म नक्सली के खिलाफ रणनीति म बड़का बदलाव करे गीस। पहिले हमर मन के फोकस ह कैंप के जरिये नक्सली मन के खिलाफ आपरेशन ल लांच करना अऊ कैंप ले इलाका म विकास करना रिहिन। एखर बाद हमन ह नवा प्लानिंग म काम करिन, त हमन ल पता चलिन कि लोगन मन ह नक्सली के सपोर्ट डर अऊ हमर मन ले दूरी सती ल करत रिहिन।

(Jagdalpur) वो हा बताईस कि ग्रामीण मन ह घलो चाहत हे कि ओखर इलाका म विकास हो अऊ ओ मन ल शिक्षा अऊ इलाज मिले। एखर बाद ह मन ह पहिले पोटाली अऊ बोदली म पुलिस कैंप के पास राशन के दुकान खुलवाए हन। पहिले इहां के ग्रामीण मन ल राशन बर 15 ले 20 किलोमीटर पैदल सफर करे ल पड़त रिहिन। अब लोगन मन ल गांव म ही राशन मिलत हे। एखर बाद कुछु कैंप म हमन ह गांव वाला बर मुफ्त खान, दवा अऊ शिक्षा के व्यवस्था घलो करे हन। साल 2021 म हमर मन के कोशिश हे कि हमर सबो कैंप ले न सिरिफ नक्सल आपरेशन बल्की कैंप ले लोगन मन के सीधा जुड़ाव हो।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments