जगदलपुर। बस्तर म नक्सली मन ले निपटे बर पुलिस अब एक्शन प्लान तैयार करत हवय। एखर तहत पुलिस नक्सला मन के हिट लिस्ट बनावत हे। ये लिस्ट म सीसी मेंबर से लेके प्लाटून कमांडर निशाना म रह ही। । पुलिस विभाग के नवा लिस्ट म छत्तीसगढ़ के जिला म पहिली ले सक्रिय अउ वर्तमान म सक्रिय बड़े ल लेके छोटे माओवादी मन के लिस्ट तैयार हे। बस्तर आईजी विवेकानंद सिन्हा ह बताइस कि माओवादी मन के हिट लिस्ट तैयार करे गेहे । एमा बस्तर के सक्रिय सीसी मेंबर ले लेके निचले कैडर के माओवादी मन के नाम रखे गेहे। इंखर एनकाउंटर बर विशेष रणनीति म कारय करे जात हे। काबर कि जादातर खूंखार माओवादी मन छत्तीसगढ़-तेलंगाना बार्डर म लिब्रेटेड जोन म हवय। एँखर सेती उँखर एनकाउंटर बर विशेष प्लानिंग के जरूरत हवय तभे कम्बाइन ऑपरेशन चलाए जाही।
