रायपुर। राजनांदगांव विधानसभा के चुनाव दिलचस्प होवत जावत हे। बीजेपी, कांग्रेस अउ छत्तीसगढ़ जनता कांग्रेस, तीनो झन ए सीट ल जीते के बात करथे। बीजेपी मुख्यमंत्री डॉ. रमन सिंह ल अपन चेहरा बनाही। ऐती बर अजीत जोगी घलो राजनांदगांव ले लड़े के ऐलान कर देहे। अब सबके नजर ह कांग्रेस के उम्मीदवार म टिके हे।
कांग्रेस ह गुरुवार के सर्किट हाऊस म राजनांदगांव के सबो पदाधिकारी अउ खैरागढ़ सहित अन्य जगह के विधायक मन के संग उम्मीदवार मन ल लेकर मंथन करिस। बैठक म उम्मीदवार ल लेकर जो तस्वीर उभर कर आईस हे ओखर अनुसार स्थानीय व्यक्ति ल टिकट दे बर सहमति बनिस हे। । सूत्र मन के कहिन कि कांग्रेस के प्रदेश प्रभारी पीएल पुनिया ह साफ कर दिस कि राजनांदगांव म कोनो बाहर बडे नेता ल कांग्रेस उम्मीदवार नइ बनाए। कोनो स्थानीय चेहरा ल उम्मीदवार बनाही । पुनिया ह कहिन कि थोड़ा इंतजार करे बर पड़ही। उम्मीदवार सामने होही। कार्यकर्ता ल रिचार्ज करत हुए वो किहिस कि चाहे पदयात्रा हो या बूथ कमेटी के गठन बर निरीक्षण, हर जगह के लोगन मन म खासा उत्साह हवय। पुनिया के मानन हे कांग्रेस पार्टी के कार्यक्रम म जइसे जनसमूह उमड़त हे। ओखर ले साफ लगत हे कि ए बार छत्तीसगढ़ म परिवर्तन के लहर हवय। वो ह किहिस कि 2018 म प्रदेश म जब भी चुनाव होही तब ओमा बीजेपी पूरी तरह ले उखड़ जाही अउ कांग्रेस पार्टी के सरकार बनही।
कौन होही सीएम
कांग्रेस पार्टी म सीएम कौन होही, ऐखर बर अटकल समय-समय पर लगते रहिथे। कांग्रेस के प्रदेश प्रभारी पीएल पुनिया ह एक बार फिर येला स्पष्ट करथे कि कांग्रेस चुनाव म जीत के बाद ही मुख्यमंत्री के चुनाव होही। कांग्रेस विधायक दल ही सीएम कैंडिडेट ल तय करही। पार्टी के अध्यक्ष राहुल गांधी ह ऐही निर्देश दे हे। अब सभी ल पद बर नइ संगठन के जीत बर मेहनत करे बर पड़ही। वोह किहिस कि ए बखत चुनाव के काफी पहिली ले उम्मीदवार मन के घोषणा कर दे जाही। ताकि ओला अपन क्षेत्र म काम करे के पर्याप्त मौउका मिले।
छत्तीसगढ़ म कांग्रेस ए बखत जीत के दावा करत हवय। ऐ ला लेके प्रदेशभर म अलग—अलग टीम बनाके काम करत हे। प्रदेश प्रभारी पीएल पुनिया खुद प्रदेशभर म दौरा करत हवय।
