बिलासपुर। मंगलवार के देर रात 11.45 बजे सिम्स के प्रसूता वार्ड म आग लगे ले भगदड़ मंच गे। ये दउरान वार्ड म भरती 10 महिला मन धुएं के चलते बेहोश हो गिस। हालांकि सब्बों झन ल बाहर निकाल ले गिस। घटना के वजह शार्ट सर्किट ल बताए जाथ हे। बाहिर ड्यूटी करत रहिन चौकीदार मन के नजर इमा पडिस। उमन हव तत्काल एखर सूचना अन्य सुरक्षा गार्ड मन दीस। जब तक उमन लेबर ओटी तक पहुंचतिस तब तक आग काफी फइल चुके रहिस हे। ये दउरान 10 महिला मन वार्ड म रहिस हे। धुएं के वजह ले उँखर दम घुटे लगिस। ये बीच म सिम्स के करमचारी मन लेबर ओटी पहुंच गे। तब तक आग काफी बुझ गे रहिस हे। लेकिन धुएं के कारण कोनो वार्ड के अंदर नइ जा पाइन । एती बर वार्ड के अंदर ले मदद बर महिला मन के आवाज आवत रहिस हे। तव ऑक्सीजन सिलेंडर देके करमचारी मन ल अंदर भेजे गिस। एखर बाद महिला मन ल बेहोशी के हालत म बाहर निकाले गिस । रात 1 बजे तक वार्ड म भगदड़ मचे रिहिस हे।
