सीएम रमन, सौदान, गौरीशंकर, बृजमोहन, अजय, राजेश व रविन्द्र चौबे समेत मंत्री, विधायक, बीजेपी पदाधिकारी, पार्टी कार्यकर्ता अउ गणमान्य नागरिक रहिन उपस्थित
दुर्ग । छत्तीसगढ़ बीजेपी के उपाध्यक्ष हेमचंद यादव गुरुवार के पंचतत्व म विलीन हो गिस। उंखर बड़े बेटा राजदीप यादव ह मुखाग्नि दीस। स्व. यादव के दुपहर एक बजे दुर्ग के हरनाबांधा मुक्तिधाम म अंतिम विदाई दे गिस । ये दउरान सीएम रमन सिंह, राष्ट्रीय सह संगठन महामंत्री सौदान सिंह, विधानसभा अध्यक्ष गौरीशंकर अग्रवाल, कृषि मंत्री बृजमोहन अग्रवाल, स्वास्थ्य मंत्री अजय चंद्राकर, प्रभारी मंत्री राजेश मूणत अउ मंत्री, विधायक, बीजेपी पदाधिकारी, पार्टी कार्यकर्ता समेत गणमान्य नागरिक उपस्थित रहिन हे।
स्व. यादव ल भाजपा के झंडा ओढा के श्रध्दांजलि देय गिस । सीएम रमन सिंह सोझे मुक्तिधाम पहुंचिस। उंहे नम आंखि ले यादव ल श्रद्धांजलि दीस। बीजेपी के तमाम बड़े नेता अउ कार्यकर्ता मन ह उन्हें मुक्तिधाम म श्रद्धासुमन अरपित करिस। डॉ. रमन ह कहिन मै अपन राजनीतिक जीवन उंखर जइसे ईमानदार जननेता नइ देखे हव । उंखर विचार अउ सोच म सादगी रहिन हे । मैं एक दिन कहे कि हेमचंद मैं तोर घर खाना खाय बर आहूं, तो उमन कहिन कि मोर नानकून घर म आपमन कहां आहूं ।
मंत्री बृजमोहन ह कहिन कि हेमचन्द यादव जइसे याराना अउ सरल ईस्वर सबला दें। कांग्रेस सरकार म पूरव मंत्री रहे नेता रविन्द्र चौबे ह कहिस कि मैं कल्पना घलो नइ कर सकत हव कि मैं हेमचन्द यादव के अंतिम संस्कार म आए हव। समूचा सदन म उमन के ज्ञान अद्भुत होत रहिस हे। भगवान उंखर परिजन मन ल दुख सहे के शक्ति देवय। विधान सभा अध्यक्ष गौरीशंकर अग्रवाल ह कहिन कि अल्प आयु म हेमचन्द के जाना बेहद दुखद हे। अंतिम संस्कार म कैबिनेट मंत्री बृजमोहन अग्रवाल, प्रेम प्रकाश पांडेय, अमर अग्रवाल, अजय चंद्राकर, राजेश मूणत, शिवरतन शर्मा समेत कतको बड़े नेता शामिल होइस।
हेमचंद यादव पंचतत्व म विलीन … बड़े बेटा ह दीस मुखाग्नि
सीएम रमन, सौदान, गौरीशंकर, बृजमोहन, अजय, राजेश व रविन्द्र चौबे समेत मंत्री, विधायक, बीजेपी पदाधिकारी, पार्टी कार्यकर्ता अउ गणमान्य नागरिक रहिन उपस्थित दुर्ग । छत्तीसगढ़ बीजेपी के उपाध्यक्ष हेमचंद यादव गुरुवार के पंचतत्व म विलीन हो गिस। उंखर बड़े बेटा राजदीप यादव ह मुखाग्नि दीस। स्व. यादव के दुपहर एक बजे दुर्ग के हरनाबांधा मुक्तिधाम […]
April 12, 2018
2 Mins Read
No Comment! Be the first one.