जनता कांग्रेस छत्तीसगढ़ (जे) ल मिलिस चुनाव आयोग ले मान्यता…….जोगी ह  कहिन “धन्यवाद छत्तीसगढ़”

पार्टी के चुनाव चिन्ह “हल चलाता किसान” घलो होइस आरक्षित

रायपुर।  विधानसभा चुनाव 2018 के प्रदरसन के आधार म जनता कांग्रेस छत्तीसगढ़ (जे) के भारत निर्वाचन आयोग ले छत्तीसगढ़ के क्षेत्रीय पार्टी के रूप म मान्यता मिल गे हे।  संग ही पार्टी के चुनाव चिन्ह “हल चलाता किसान” पूरा प्रदेस म जनता कांग्रेस छत्तीसगढ़ (जे) बर आरक्षित कर देय गे हे। भारत निर्वाचन आयोग, नइ दिल्ली ह पार्टी सुप्रीमो अजीत जोगी ल आज ए आसय के पत्र जारी होइस हे।

ए सन्दर्भ म जनता कांग्रेस छत्तीसगढ़ (जे) के नेता अमित जोगी ह प्रतिक्रिया दीस के आज के दिन छत्तीसगढ़ बर बहुत ही बड़ दिन हवय। जूनियर जोगी ह बताइस के  अखंड मध्यप्रदेस म सन 1936 ले चुनाव होवत आवत हेहैं। अविभाजित मध्यप्रदेस म पूर्व म स्वर्गीय खुबचंद बघेल (1970-80), स्वर्गीय विद्याचरण शुक्ल(2003 -2004) अउ स्वर्गीय तारचंद साहू (2008-2012) ह क्षेत्रीय दल बनाए के कोसिस करिन, लेकिन उमा उमन सफल नइ हो सकिन। पाछू के माह म होए चुनाव म छत्तीसगढ़ के जनता के आसीरवाद ले अउ पार्टी कार्यकर्ता मन के कड़ी मेहनत के परिनामस्वरूप अजीत जोगी के नेतृत्व म जनता कांग्रेस छत्तीसगढ़ (जे) 5 सीट जीते म सफल रहिस हे। एखर संग ही हमार महागठबंधन ल प्रदेस म लगभग 14% वोट मिलिस हे।  इहीं प्रदरसन के वजह ले अविभाजित मध्यप्रदेस के इतिहास म पहली बार 82 बरस  के बाद कोनो क्षेत्रीय दल ल चुनाव आयोग ह मान्यता दे हे।। अजीत जोगी ह ए उपलब्धि बर छत्तीसगढ़ के जनता ल धन्यवाद देय हे। अउ  जनता ल आश्वस्त कर्स के उंखर पार्टी “छत्तीसगढ़ प्रथम” के सिद्धांत म चलत हुए जनता के हित के लड़ाई हमेसा लड़त रहही।