बलौदाबाजार जिला म घलो चारा घोटाला

रायपुर/बालौदाबाजार। बिहार मे होए चारा घोटाला के तरह छत्तीसगढ़ के बलौदाबाजार जिला म घलो चारा घोटाला सामने आइस हे। खाद, पशु अउ सामग्री के परिवहन म लाखों रुपिया के घोटाला करइया चार अधिकारी मन के खिलाफ शनिवार के मामला दरज करे गिस। वन विभाग के ओर ले खाद, खाद्य सामग्री अउ अन्य सामान ल ए डहर ले ओ डहर करे बर किराए के नाम ले लाखों रुपिया के फर्जीवाड़ा कर के बात सामने आइस हे। एक अखबार ह फर्जीवाड़े ले संबंधित खबर प्रकाशित करिस हे। ओखर बाद विभाग ह जांच शुरु करिस हे अउ तथ्य जुटाए बर शुरु करिस । जांच म ये बात सामने आइस कि सामान ले जाए बर जे गाड़ी मन के इस्तेमाल करे गिस, असल म वो ह नइए। अधिकारी मन ह दोपहिया वाहन के नंबर ल बिल म दर्शाइस हे। जेमा कृषि ले संबंधित सामान मन के ढुलाई करे गिस हे। जानकारी मिले के बाद वन विभाग के चार अधिकारी मन के खिलाफ धोखाधड़ी के मामला दरज करवाए गे हे।