बोड़ला विकासखंड के सबो घर म बिजली के कनेक्शन होय ले सीएम ह खुश

कवर्धा । मुख्यमंत्री ह सुराज अभियान म कबीरधाम (कवर्धा) जिला के बैगा आदिवासी बहुल ग्राम सिंघारी (विकासखंड-बोड़ला) के अचानक दौरा करिस हे। ग्राम सिंघारी अउ सम्पूर्ण बोड़ला विकासखंड के सबों घर ल बिजली का कनेक्शन मिल जाय म प्रसन्नता व्यक्त करत हुए ऊर्जा विभाग के अधिकारीअउ कर्मचारी मन के सक्रियता के करिस तारीफ । मुख्यमंत्री ह सिंघारी म आदिवासी बालक छात्रावास के आकस्मिक निरीक्षण घलोक करिस। उमन ह उहां लइका मन ले बातचीत करत हुए उंखर पढ़ाई अउ भोजन व्यवस्था समेत विभिन्न उपलब्ध सुविधा मन के बारे म जानकारी लीस।
डॉ. सिंह ह सिंघारी म महुआ पेड़ के छांव म चौपाल लगासि हे अउ शासन के विभिन्न योजना मन के सिंघारी सहित आसपास के गांव मन म चलत कारय मन के बारे म गांव वाले ले जानकारी लीस। उमन ह म ये घलोक पूछिस कि राशन दुकान ले हर महीना चावल अउ नमक मिलथे कि नइ। अगर मिलत हे तव का चावल के क्वालिटी ठीक रहत हे। गांव वाले मन ह बताइन कि राशन सामग्री नियमित रूप ले मिलत हे। अउ चावल के क्वालिटी घलोक ठीक हे।
उमन ह चौपाल म पड़ोस के गांव कांगचुवा लो आके सिंघारी म रहइया राजाराम बैगा बर कलेक्टर ल उखंर पुराना राशन कार्ड के बदला म नवा राशन कार्ड बनवाए के निर्देश दिस हे। ताकि ओला घलोक राशन नियमित रूप ले मिल सकय। मुख्यमंत्री ह ये जान के काफी खुश होस कि सिंघारी म सबों घर मन म बिजली पहुंच गे हे अउ ग्रामीण मन ल रातों म पर्याप्त रोशनी मिलत हे। डॉ सिंह चौपाल म कहिन कि राज्य सरकार ह प्रधानमंत्री सहज बिजली हर घर योजना (सौभाग्य) म ये बरस जून तक प्रदेश के सबो बचे रहिगे बिना बिजली घर मन म मजरा टोला मन म बिजली पहुंचाए के लक्ष्य तय करे हवय। जेखर बर युद्ध स्तर म काम होवत हे।