रायपुर। मुख्यमंत्री रमन सिंह ह भूपेश बघेल के जमानत नइ ले फइसला अउ बाद म जमानत लेय के निरनय म टिप्पनी करत हुए कहिन के भूपेश के बेल अउ जेल के खेल खत्म होइस हे। आघू उमन कहिन के बेल त लेना रहिस हे, मगर दू दिन जेल म राजनीति करे के बाद। रमन सिंह कहिन के कांग्रेसी काबर नइ बतावत हे के भूपेश ह काबर जेल गे रहिस हे।
गउरतलब हे के सेक्स सीडी केस म सीबीआई के आरोपी बना के बाद पीसीसी अध्यक्छ भूपेश बघेल ल जमानत मिल गिस हे। स्पेशल कोरट ह उमन ल एक लाख रुपिया के मुचलका म जमानत दे दीस हे। भूपेश देर शाम तक जेल ले रिहा हो जाही। मुख्यमंत्री रमन सिंह ह कहिन के भूपेश ल बेल त लेना ही रहिस हे। लेकिन नौंटकी के चलत जमानत नइ लिस। अब आलाकमान के निरदेश बताके जमानत ले लिस। ये तरह ले भूपेश के बेल अउ जेल के खेल खत्म होइस।
बता देन के राज्य के बहुचरचित सेक्स सीडी केस म सीबीआई ह भूपेश के अलावा, भाजपा नेता रहे कैलाश मुरारका, विनोद वर्मा समेत अन्य ल आरोपी बनाय हे। जबकि सीबीआई के चार्जशीट म 100 गवाह मन के नाम हे। जे दिन चार्जशीट दाखिल करे गिस हे, वो दिन पीसीसी अध्यक्छ ह कहिन के उमन बेल नइ लेवव अउ जेल जाना पसंद करहूं। अइसे म कोरट ह ओला जेल भेज दिस ।
विधानसभा चुनाव के मद्देनजर कांग्रेस अध्यक्छ ह भूपेश के जमानत ले बर कहिस हे, येखर अलावा प्रदेस कांग्रेस के अन्य नेता घलो यही चाहत रहिस हे के वो ह जमानत ले लेवय। आलाकमान के निरदेश के बाद भूपेश ह आज जमानत याचिका लगाइस, जेला अदालत ह मंजूर कर लिस।
![भूपेश के बेल अउ जेल के खेल खत्म होइस …. रमन सिंह रमन सिंह के टिप्पनी](https://jayjohar.com/wp-content/uploads/2018/09/cm-raman-singh.jpg)
भूपेश के बेल अउ जेल के खेल खत्म होइस …. रमन सिंह
रायपुर। मुख्यमंत्री रमन सिंह ह भूपेश बघेल के जमानत नइ ले फइसला अउ बाद म जमानत लेय के निरनय म टिप्पनी करत हुए कहिन के भूपेश के बेल अउ जेल के खेल खत्म होइस हे। आघू उमन कहिन के बेल त लेना रहिस हे, मगर दू दिन जेल म राजनीति करे के बाद। रमन सिंह […]
No Comment! Be the first one.