लोकसभा चुनाव 2019…. कांग्रेस के घोसना पत्र जन आवाज़ के मुख्य मुद्दा हो ही राइट टू हेल्थ

रायपुर । छत्तीसगढ़ विधानसभा चुनाव म बड़े जीत दर्ज करे के बाद अब कांग्रेस ह लोकसभा चुनाव के तइयारी सुरू कर दीस हे । इहीं कड़ी म लोकसभा चुनाव 2019 के घोषणा पत्र जन आवाज़  ल लेके सहर के एक निजी होटल म बइठक आयोजित करे गिस । ए बइठक म जन आवाज़ घोषणा पत्र  ल लेके विभिन्न एनजीओ, संगठन अउ डॉक्टर मन ले विचार विमरस करे जाही।

बइठक म छत्तीसगढ़ प्रभारी पीएल पुनिया, सीएम भूपेश बघेल समेत मंत्री मन म डीएससीएल मोहम्मद अकबर, डॉक्टर शिव कुमार डहरिया, डॉक्टर प्रेमसाय सिंह, अनिला भेड़िया अउ प्रदेश कांग्रेस के संचार विभाग के अध्यक्ष शैलेश नितिन त्रिवेदी , महामंत्री अउ संसदीय मामला के सलाहकार राजेश तिवारी,  पीसीसी के प्रभारी महामंत्री गिरीश देवांगन विसेस रूप ले उपस्थित रहिन हे । बइठक के बाद गृहमंत्री ताम्रध्वज साहू  ह मीडिया ले चरचा करत हुए बताइस के राहुल गांधी  ह कहे हे के  जनता जे चाहत हे उहीं ल  घोसना पत्र म सामिल करे जाही।  एखर सेती  लोकसभा चुनाव बर  जन आवाज़ के तइयारी करे जात हे।  ताम्रध्वज साहू  ह बताइस के देस भर म 24 टीम बनाए गेहे जे जन आवाज़ घोसना पत्र ल लेके लोगन ले  चरता करही ओखर बाद ओला दिल्ली म रिसर्च टीम ल भेजे जाही।

मंत्री ह बताइस के राइट टू हेल्थ ल लेके मेन फोकस करे जाही । जेखर ले आम जनता ल एखर लाभ मिल सकय । ताम्रध्वज साहू  ह कहिन के ए बइठक म स्वास्थ्य, खाद्य सुरक्षा समेत अन्य विसय म  चरता करे गिस।