जय जोहार…. (corona) देश म कोरोना संक्रमण के मामला ह सरलघा बाढ़त जात हे। देश म बीते 24 घंटा म कोरोना के 1 लाख 52 हजार 879 नवा मामला मिले हे। उहचे 90584 संक्रमित मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 839 मरीज के मौत हो गे हे।
केन्द्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमित मन के संख्या ह 1 करोड़ 33 लाख 58 हजार 805 हो गे हे। जेमा ले 11 लाख 08 हजार 097 एक्टिव मामला हे।
उहचे 1 करोड़ 20 लाख 81 हजार 443 संक्रमित मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 69 हजार 275 मरीज के मौत हो गे हे।
No Comment! Be the first one.