जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। राज्य म मंगलवार के कोरोना के 105 नवा मरीज मिले हे। ऊहचे 73 मरीज मन ह कोरोना ल मात दे दे हे, जेखर बाद ओ मन ल कोविड अस्पताल ले डिस्चार्ज कर दे गे हे।
आज जेन कोरोना (corona) के 105 नवा मरीज ह मिले हे, ओमा ले बिलासपुर, सुकमा अउ नारायणपुर ले 18-18, सरगुजा ले 12, बलरामपुर ले 8, राजनांदगांव ले 7, कोंडागांव ले 3, रायगढ़, कोरबा अउ कांकेर ले 2-2, गरियाबन्द, सूरजपुर, जशपुर, बस्तर अउ दंतेवाड़ा ले एक-एक मरीज के पुष्टि होय हे।
बता देन कि प्रदेश म कोरोना (corona) संक्रमण के कुल मामले ह 4379 हो गे हे। जेमा ले 1044 सक्रिय मामले हे। ऊहचे 3275 लोगन मन ह बने होय के बाद अपन घर लहुट चुके हे। ए वायरस ले प्रदेश म 20 लोगन मन के मौत हो गे हे।
No Comment! Be the first one.