जय जोहार…. (Corona) छत्तीसगढ़ म कोरोना संक्रमण के मामला ह कम होय के नाव नई लेवत हे। राज्य म 24 घंटा म कोरोना के 10652 नवा मामला के पहचान होय हे। उहचे 735 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 72 संक्रमित मन के मौत हो गे हे।
आज जेन कोरोना (Corona) के नवा मरीज मिले हे, ओमा रायपुर ले 2330, दुर्ग ले 2132, राजनांदगांव ले 1047, बिलासपुर ले 638, बलौदाबाजार ले 601, महासमुंद ले 517, बेमेतरा ले 364, धमतरी ले 363, कोरबा ले 343, बालोद ले 313, जांजगीर-चांपा ले 287, कबीरधाम ले 286, रायगढ़ ले 240, सरगुजा ले 153, जशपुर ले 151, मुंगेली ले 141, कांकेर ले 118, सूरजपुर ले 117, कोरिया ले 113, गरियाबंद ले 111 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 4 लाख 07 हजार 231 हो गे हे। जेमा ले 68125 एक्टिव मामला हे। उहचे 3 लाख 34 हजार 543 मरीज मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 4563 मरीज के मौत हो गे हे।
No Comment! Be the first one.