जय जोहार…. राज्य म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म सोमवार के देर रात कोरोना के 322 नवा मरीज मिले हे।
एला मिला के सोमवार के कुल 1077 नवा मरीज के पहचान होय हे। उहचे इलाज के दौरान 9 मरीज मन के मौत हो गे हे।
सोमवार देर रात जेन कोरोना (corona) के नवा मरीज मिले हे, ओमा दुर्ग ले 98, रायपुर ले 91, बीजापुर ले 64, कांकेर ले 24, बिलासपुर ले 12, रायगढ़ ले 6, बेमेतरा अऊ जशपुर ले 5-5, बालोद, गरियाबंद अऊ जांजगीर-चांपा ले 3-3, धमतरी अऊ बलौदाबाजार ले 2-2, राजनांदगांव, कबीरधाम, महासमुंद अऊ कोरबा ले 1-1 मरीज शामिल हे।
एखर पहिले देर शाम कोरोना (corona) के 755 नवा मरीज के पहचान होय हे। बता दन कि प्रदेश म कोरोना संक्रमित मन के कुल संख्या ह बाढ़ के 22054 पहुंच गे हे।
जेमा ले 8424 एक्टिव मामला हे। उहचे 13424 लोगन मन ल बने होय के बाद डिस्चार्ज कर दे गे हे। ए वायरस ले प्रदेश म 206 लोगन मन के मौत हो गे हे।
Other Articles
No Comment! Be the first one.