Home ब्रेकिंग न्यूज Corona: गरियाबन्द जिला म 24 घंटा म मिले हे 12 नवा कोरोना...

Corona: गरियाबन्द जिला म 24 घंटा म मिले हे 12 नवा कोरोना संक्रमित, उपजेल के कैदी ह घलो कोरोना पाजिटिव

616
0

जय जोहार…. गरियाबन्द जिला म पिछले 24 घंटा म कोरोना (corona) संक्रमित 12 नवा मरीज मन के पहचान होय हे। सोमवार के स्वास्थ्य विभाग के कर्मचारी ह कोरोना पाजिटिव निकले रिहिस। ओखर बाद गरियाबन्द उपजेल के कैदी घलो कोरोना पाजिटिव पाय गे हे।

मिले जानकारी के मुताबिक गत दिनों लैब टेक्नीशियन के कोरोना (corona) पाजिटिव पाय जाय के बाद ओखर पत्नी जेन उपजेल म फार्मेसिस्ट के तौर म कार्यरत हे।

ओखर रिपोर्ट घलो कोरोना (corona) पाजिटिव पाय गे हे। ऊहचे ओखर ले इलाज करइया लगभग 25 मरीज मन म एक मरीज के रिपोर्ट ह पाजिटिव आय हे। हालांकि महिला कर्मचारी के पाजिटिव आय के बाद ए कैदी मन ल अलग-अलग बैरक म रके गे रिहिस।

ए संबंध म अधिक जानकारी ल ले बर उप जेल के जेलर के मोबाइल नंबर 9479107715 अउ जिला स्वास्थ्य अधिकारी के मोबाइल नंबर 9479005735 म कई बार संपर्क करे के प्रयास करे गिस, मोबाइल के घंटी बजत रिहिस, लेकिन कोनो ह मोबाइल ल नई उठाइस। उपजेल म एक कैदी के कोरोना पाजिटिव होय के पुष्टि ल गरियाबन्द एसपी भोजराम पटेल ह करे हे।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.