Corona: प्रदेश म पिछले 24 घंटा म होय हे 1273 नवा मरीज के पहचान, रायपुर म घलो 426 पाजिटव

जय जोहार…. (Corona) प्रदेश म पिछिले 24 घंटा म कोरोना के 1273 नवा मामला दर्ज करे गे हे। उहचे 287 मरीज ल बने होय के बाद अस्पताल ले छुट्‌टी दे दे गे हे। जबकि इलाज के दौरान 10 मरीज के मौत हो गे हे।

बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 426, दुर्ग ले 391, राजनांदगांव ले 71, बिलासपुर ले 50, सरगुजा ले 49, बेमेतरा ले 29, कोरिया ले 26, महासमुंद अऊ जशपुर ले 25-25, रायगढ़ ले 23, बलौदाबाजार ले 20, धमतरी ले 19, सूरजपुर ले 17, कोरबा ले 16, बालोद ले 14, बस्तर अऊ कांकेर ले 13-13, मुंगेली ले 12, जांजगीर-चांपा ले 11 मरीज सामिल हे।

बता देन कि प्रदेश (Corona) म कोरोना संक्रमित मन के संख्या ह 3 लाख 23 हजार 153 हो गे हे। जेमा ले 7693 एक्टिव मामला हे। उहचे 3 लाख 11 हजार 520 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3940 मरीज के जान चले गे हे।