गरियाबंद। जिला म रिस्वत लेत गिरफ्तार ओसडीओ आर पी दुबे ल रायपुर के एसीबी कोरट म पेस करे गिस। सुनवाई के बाद ओला 14 दिन के न्यायिक रिमांड म जेल भेज दे गिस उहें सीबीआई-एसीबी के कोरट म जमानत बर दे अरजी ल कोरट ह खारिज कर दिस। बता दन कि गुरुवार के एसीबी ह गरियाबंद ले उदंती सीतानदी अभ्यारण म पदस्थ एसडीओ दुबे ल एसीबी ह एक लाख रुपिया रिस्वत लेत गिरफ्तार करिस। बताए जात हे कि ठेकादार के द्वारा अभ्यारण क्षेत्र म निरमान कारज के बिल पास करे बर एसडीओ 3 लाख के रिस्वत के मांग करे रहिस। जेकर ले तंग आके ठेकादार ह एकर सिकायत एसीबी ले करिस।
