जय जोहार। देस म बीते 24 घंटा म कोरोना (corona ) के 1730 नवा मामला दर्ज करे गेहे। उहें 2212 मरीज ल बने होय के बाद अस्पताल ले डिस्चार्ज कर दे गेहे। जबकि उपचार के दउरान 3 संक्रमित के जान चले गेहे। बुधवार के देस म कोरोना के 13,826 एक्टिव केस रिहीस, जेन एक दिन पहले 14,303 रिहीस।
कोरोना टीकाकरण के बात करे त पिछले 24 घंटा म 14 लाख 97 हजार 695 मनखे मन ल वैक्सीन लगाय गेहे । ए वायरस के सेती भारत म अब तक कुल 5 लाख 24 हजार 296 मनखे मन के मउत हो गेहे ।
देस के राजधानी दिल्ली म बीते दिन कोरोना के 532 नवा मामला मिले हे, जबकि महाराष्ट्र म 307, उत्तर प्रदेश म 139 नवा केस सामने आय हे।
No Comment! Be the first one.