19 फरवरी के होही शिक्षाकर्मी मन के बैइठक

रायपुर । शिक्षक पंचायत नगरीय निकाय मोर्चा के 15 फरवरी के होवइया बैइठक टाल दे गेहे।अब ए बैइठक ह 19 फरवरी के कलेक्टर गार्डन म हो ही। जेमा सरकार के बनाए कमेटी द्वारा मांगे गे सुझाव पर चरचा हो ही।
मोरचा के प्रदेश संचालक संजय शर्मा, वीरेंद्र दुबे, केदार जैन, विकास राजपूत अउ चंद्रदेव राय ह बताइस कि, ‘मोर्चे के आंदोलन के बाद शासन ह शिक्षाकर्मियों के मांग के संबंध म बनाए गे कमेटी के द्वारा जमो संघ ले मांगे गे सुझाव / प्रस्ताव म बैइठक म चरचा करे जाही।’
सरकार पर बनाएं जाही दबाव
‘कमेटी के तरफ ले मांगे गे सुझाव म मोरचा के तरफ ले अंतिम रूप दे बर, शासन ल सौंपने के बारे म अउ आंदोलन के बाद के स्थिति पर चरचा करे जाही। साथ म मोरचा के एकजुटता ल बनाए बर पूरा ताकत के संग मोरचा के माध्यम ले संविलियन, क्रमोन्नति व वेतन विसंगति बर दबाव बनाए जाही। ‘
शिक्षाकर्मी मन ले अपील
सभी प्रदेश संचालक मन ह शिक्षाकर्मी साथी मन ले अपील करे हे क ‘मोरचा के कारण ही कमेटी बने हे। अउ सभी शिक्षाकर्मी के हित म निर्णय भी मोरचा के दबाव अउ आंदोलन के कारण हो ही । आप सभी मोरचा के संग एकजुटता ल बने बर जोर देवव। ऐखर ले शासन संविलियन सहित जमो मांग बर निर्णय ले बर बाध्य हो जाए। 19 फरवरी के बैठक म प्रान्त, जिला, ब्लॉक पदाधिकारी घलो शामिल हो के अपन सुझाव दे सकत हे।