Corona: प्रदेश म पिछिले 24 घंटा म बाढ़ गे 1929 नवा मरीज, राजधानी म घलो 185 पाजिटिव

जय जोहार…. प्रदेश म बीते 24 घंटा म कोरोना (corona) के 1929 नवा मरीज के पहचान होय हे।। जबकि इलाज के दौरान 9 लोगन मन के मौत हो गे हे।

बुधवार के जेन कोरोना (corona) के नवा मरीज के पहचान होय हे, ओमा रायगढ़ ले सबले जादा 235 मरीज मिले हे। एखर बाद जांजगीर-चांपा ले 202, राजधानी रायपुर ले 185 मरीज के पहचान होय हे। धमतरी ले घलो कोरोना के 70 नवा मरीज मिले हे।

बता देन कि प्रदेश म कोरोना (corona) संक्रमण के मामला ह बाढ़ के 1 लाख 81 हजार 583 हो गे हे। जेमा ले 21 हजार 693 एक्टिव मामला हे। उहचे 1 लाख 56 हजार लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 1936 लोगन मन के मौत हो गे हे।