जय जोहार…. (chhattisgarh) दुर्ग जिला म पाटन ब्लाक के 2 गांव गुजरा अऊ बटरेल ह पूरा कुपोसण मुक्त हो गे हे। मुख्यमंत्री सुपोसण अभियान के अंतर्गत ये बड़का सफलता मिले हे। कोरोना कालम दिक्कत होय के बावजूद महिला अऊ बाल विकास विभाग के कार्यकर्ता मन ह ये लक्ष्य ल प्राप्त करे हे।
(chhattisgarh) मुख्यमंत्री सुपोसण मिशन के तहत ग्राम पंचायत गुजरा के 6 आंगनबाड़ी केंद्र के 150 म 16 लईका मन कुपोसित चिन्हांकित करे गे रिहिन। मिशन के अंतर्गत सरलघा ए लईकामन के बेहतर फीडिंग करे गिस। पिछिले सप्ताह मटिया ग्राम के एक कुपोसित लईका घलो कुपोसण के दायरा ले बाहर आ गिस। अइसने ग्राम बटरेल म अक्टूबर 2019 म 177 लईका मन म 5 कुपोसित रिहिन। अभी इहां 230 लईका मन ह। एमा एक घलो कुपोसित नई हे।
जिला कार्यक्रम अधिकारी विपिन जैन ह बताईस कि सीएम भूपेश बघेल के मंशा के अनुरुप कलेक्टर के मार्गदर्शन म (chhattisgarh) मुख्यमंत्री सुपोसण मिशन के अंतर्गत कुपोसित लईका मन ल कुपोसण के दायरा ले बाहर निकाले के कार्य सरलघा जारी हे। एला ट्रैक करे बर सुपोसण साप्टवेयर घलो दुर्ग जिला म बनाय गे हे।
No Comment! Be the first one.