Corona: छत्तीसगढ़ म पिछिले 24 घंटा म सामने आय हे 2149 नवा मामला, राजधानी म घलो 248 पाजिटिव

जय जोहार…. छत्तीसगढ़ म पिछिले 24 घंटा म कोरोना (corona) के 2149 नवा मरीज के पहचान होय हे। उहचे 1323 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 14 लोगन मन के मौत हो गे हे।

बीते 24 घंटा म जेन कोरोना (corona) के नवा मरीज मिले हे, ओमा रायगढ़ ले 254, रायपुर ले 248, जांजगीर-चांपा ले 208, राजनांदगांव ले 194, कोरबा ले 179, दुर्ग ले 136, बिलासपुर ले 101, बालोद अऊ धमतरी ले 89-89, महासमुंद ले 81, सरगुजा ले 72, सूरजपुर ले 62, बलौदाबाजार ले 57, कोंडागांव ले 41, कोरिया अऊ जशपुर ले 35-35 नवा मरीज शामिल हे।

बता देन कि प्रदेश म कोरोना (corona) संक्रमित मरीज मन के संख्या ह 2 लाख 17 हजार 562 पहुंच गे हे। जेमा ले 19 हजार 421 एक्टिव मामला हे। उहचे 1 लाख 95 हजार 469 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले प्रदेश म अब तक 2672 लोगन मन के मौत हो गे हे।