जय जोहार….(Corona) छत्तीसगढ़ म बीते 24 घंटा म कोरोना के 247 नवा मरीज दर्ज करे गे हे। उहचे 176 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 2 संक्रमित के जान चले गे हे।
बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 85, दुर्ग ले 43, कोरिया ले 21, बिलासपुर ले 15, जशपुर अऊ रायगढ़ ले 10, राजनांदगांव ले 9, सरगुजा ले 8, कोरबा ले 7, गरियाबंद ले 6, बलौदाबाजार अऊ सूरजपुर ले 4-4, महासमुंद, जांजगीर-चांपा अऊ कांकेर ले 3-3, बालोद, बेमेतरा, गौरेला-पेंड्रा-मरवाही अऊ बस्तर ले 2-2, धमतरी, कोंडागांव, नारायणपुर अऊ दंतेवाड़ा ले 1-1 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 3 लाख 11 हजार 680 हो गे हे। जेमा ले 2911 एक्टिव मामला हे। उहचे 3 लाख 04 हजार 956 लोगन मन ह कोरोनो ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3813 संक्रमित के मौत हो गे हे।
Other Articles
No Comment! Be the first one.