जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। आज प्रदेश म कोरोना के 285 नवा मरीज मिले हे।
उहचे 227 मरीज मन ह कोरोना ल मात दे दे हे, जेखर बाद ओ मन ल डिस्चार्ज कर दे गे हे। जबकि इलाज के दौरान छह लोगन मन के मौत हो गे हे।
आज जेन कोरोना (corona) के नवा मरीज मिले हे, ओमा रायपुर ले 101, दुर्ग ले 37, बिलासपुर ले 30, कांकेर ले 24, बलौदाबाजार ले 18, बलारामपुर ले 11, रायगढ़ अउ बस्तर ले 9-9, सरगुजा ले 7, राजनांदगांव अउ कोरबा ले 6-6, कोंडागांव ले 5, जांजगीर-चांपा, मुंगेली अउ सुकमा ले 3-3, बालोद, गरियाबंद, कोरिया, जशपुर अउ बीजापुर ले 2-2, बेमेतरा, दंतेवाड़ा अउ आन राज्य ले 1-1 मरीज मिले हे।
बता देन कि राज्य म कोरोना (corona) संक्रमित मरीज मन के कुल संख्या ह 12148 पहुंच गे हे। जेमा ले 3243 एक्टिव मामला हे।
उहचे 8809 लोगन मन ह कोरोना ल मात दे दे हे, जेखर बाद ओ मन अस्पताल ले डिस्चार्ज कर दे गे हे। ए वायरस ले प्रदेश म अब तक 96 लोगन मन के मौत हो गे हे।
No Comment! Be the first one.