Sunday, June 13, 2021
Home ताजा समाचार chhattisgarh : सीएम भूपेश बघेल ह गौठान समिति, स्व सहायता समूह अउ...

chhattisgarh : सीएम भूपेश बघेल ह गौठान समिति, स्व सहायता समूह अउ गोबर विक्रेता मन के खाता म 3.07 करोड़ रुपया करिन अंतरण

जय जोहार…. (chhattisgarh) सीएम भूपेश बघेल ह आज अपन निवास कार्यालय म आयोजित वर्चुअल कार्यक्रम ले गोधन न्याय योजना के अंतर्गत गौठान समिति, स्व सहायता समूह अउ गोबर विक्रता मन के खाता म 3 करोड़ 7 लाख 18 हजार रुपया अंतरित करिन। ए राशि म गौठान समिति अउ स्व सहायता समूह के 2 करोड़ 45 लाख रुपया के लाभांश शामिल हे।

गोधन न्याय योजना के अंतर्गत अब तक गौठान म क्रय करे गे गोबर के एवज म 95 करोड़ 94 लाख के भुगतान करे गे हे, जेखर ले एक लाख 68 हजार 531 पशुपालक किसान अउ ग्रामीण लाभान्वित हो गे हे। (chhattisgarh) मुख्यमंत्री भूपेश बघेल ह राज्य म गोधन न्याय योजना के सफलता बर ए योजना के क्रियान्वयन म प्रत्यक्ष अउ अप्रत्यक्ष रूप ले भागीदार सबो मनखे मन ल बधाई अउ शुभकामना दीन हे। ए अवसर म मुख्यमंत्री ह गोधन सुपर कम्पोस्ट मोबाइल एप के घलो लोकार्पण करिन।

ए कार्यक्रम म गृहमंत्री ताम्रध्वज साहू, (chhattisgarh) वन मंत्री मोहम्मद अकबर, महिला अउ बाल विकास मंत्री अनिला भेंडि़या, मुख्यमंत्री के सलाहकार रूचिर गर्ग अउ प्रदीप शर्मा, अपर मुख्य सचिव सुब्रत साहू, कृषि विभाग के विशेष सचिव अउ गोधन न्याय योजना के नोडल अधिकारी डॉ. एस.भारतीदासन, उद्यानिकी अउ पशुचिकित्सा संचालक माथेश्वरन वी. उपस्थित रिहिन।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments