1 ले 30 नवंबर तक चुकाए गे ऋण के रकम घलो हो ही वापिस…

रायपुर । प्रदेस म कांग्रेस के सरकार चुनावके दउर म करेगे वायद मन ल पूरा करना सुरू कर दिस हे।  मुख्यमंत्री भूपेश बघेल ह सपथ लेने के कुछु घंटा बाद ही किसान मन के कर्ज माफ करे के घोसना कर देय रहिस हे।  बुधवार  केराज्य सासन ह बैंक मन ल  पत्र जारी कर निर देसितकरिस के किसान मन के कर्ज माफ कर दे जाए।

जारी पत्र म प्रदेस के सबो सहकारी बैंक अउ  छत्तीसगढ़ ग्रामीन बैंक म सबो किसान मन के 30 नवंबर 2018 तक के अल्पकालीन कृषि ऋण माफ करे के निरदेस देय गेहे। संग  ही 1 नवंबर ले 30 नवंबर 2018 के बीच लिंकिंग या नगद के रूप म चुकाए गे ऋण मन के रासि ल घलो माफ करे गेहे।

कर्ज माफी के घोसना के बाद घलो किसान मन संसय के स्थिति म रहिन हे के   उंखर  कतना कर्ज माफ होही।  हालांकि अभु  घलोक एमा स्पष्ट नइ हो पाइस हे के  कतना कर्ज माफ होही।  बैंक के सूत्र मन बताइन के अल्पकालीन कृषि ऋण तहत ए साल के मार्च ले गे ऋण से हे।  आज जे निरदेसजारी होइस हे उमा  30 नवंबर 2018 तक के अल्पकालीन कृषि ऋण पूरा माफ करे के निरदेस दे गेहे।

जे किसान मन  ह धान बेच चुके हे उंखर कर्ज बैंक ह काट ले हे। उँखर घलोक  ऋण माफ कर देय गे हे।  बैंक ह  ज रकम काटे हे  वो ह किसान मन के बैंक खाता म वापिस करे जाही। कांग्रेस  ह कर्ज मांफी के घोषणा के बाद कतको  किसान धान नइ बेचत रहिन हे। सोसाइटी म आवक कम हो गे रहिस हे। वो बखत  भूपेश बघेल ह पत्रकार वार्ता म कहे रहिन हे के किसान धान बेचना जारी रखय। कांग्रेस के सरकार आही त  उंखर घलो कर्ज माफ करे जाही अउ  काटेगे रकम वापिस कर देय जाही। ओखर बाद किसान धान बेचना सुरू करिस हे।