Saturday, September 19, 2020
Home ब्रेकिंग न्यूज छत्तीसगढ़ म एक ही दिन म मिलिस कोरोना के 33 नवा मरीज,...

छत्तीसगढ़ म एक ही दिन म मिलिस कोरोना के 33 नवा मरीज, सक्रिय मामले ह बाढ़ के होइस 377

जय जोहार…. प्रदेश म कोरोना संक्रमित मरीज मन के संख्या ह थमे के नाम नई लेवत हे। प्रदेश म एक ही दिन म इतवार के कोरोना के 33 नवा मरीज के पहचान होय हे। एखर संग प्रदेश म कुल सक्रिय कोरोना मामले के संख्या ह बाढ़ के 377 हो गे हे।

इतवार के प्रदेश के जशपुर म 16, महासमुंद म 12, कोरबा म दू, रायपुर म दू अऊ बिलासपुर म एक मरीज मिले हे। ए सब्बो ल मिला के प्रदेश म एक ही दिन म 33 मरीज मिले हे। एखर संग ही प्रदेश म कुल कोरोना मरीज मन के संख्या ह 480 हो गे हे। जेमा ले 102 मरीज ह स्वस्थ होके अपन घर लहुट चुके हे। ऊहचे रायपुर म एक मरीज के कोरोना ले मौत होय हे।

बता देन कि प्रदेश म सनिच्चर के कोरिया जिला म कोरोना के 16 नवा केस मिले रहिस। संक्रमित मरीज मन ह चिरमिरी के आईटीआई कालेज म क्वारेंटाइन रहिस। एमा ले डोमनहिल ले 8, गोदरीपारा ले एक, सोनामनी ले दू, बड़ीबाजार ले एक, हल्दीबाड़ी ले तीन अऊ पोड़ी ले एक मरीज के पहचान होय रहिस। कुछु दिन पहले ही सब्बो के स्वाब सैम्पल ल जांच बर भेजे गे रहिस, जेमा सब्बो रिपार्ट ह पाजिटिव आय रहिस। 16 नवा मरीज के संग जिला म एक्टिव केस 26 हो गे हे।

 

1 COMMENT

  1. लॉक डाउन खोल रही सरकार
    अब तो नहीं थमने वाला

    Anthor के लिए
    बने सुग्घर लिखे संगवारी
    हमर छतीसगढ के सूग्घर भाषा म लिखाय

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments