Train यात्री मन बर बड़का खबर, 22 फरवरी ले सुरू होवइया हे 35 ट्रेन, पढ़व

जय जोहार…. (Train) उत्तर रेलवे ह 22 फरवरी ले 35 लोकल ट्रेन ल अनरिजर्व्ड मेल अऊ एक्सप्रेस स्पेशल ट्रेन के रूप म चलाय के निर्णय ले हे। कोरोना काल म ये पहिला मऊका हे जब यात्री मन बर अनरिजर्व्ड मेल अऊ एक्सप्रेस स्पेशल ट्रेन ल चलाय जावत हे। जेमा बिना रिजर्ववेशन के यात्री ह यात्रा कर सकही। एखर पहिले चलाय गे सबो स्पेशल ट्रेन ह पूरा रिजर्व रिहिन।

ए 35 ट्रेन (Train) म प्रतापगढ़ ले वाराणसी, फैजाबाद ले लखनऊ, लखनऊ ले कानपुर, अम्बाला ले लुधियाना, सहारनपुर ले ऊना हिमाचल, सहारनपुर ले दिल्ली, हजरत निजामुद्दीन ले कुरुक्षेत्र, पलवल ले गाजियाबाद, शकूरबस्ती ले पलवल, मुरादाबाद ले सहारनपुर, बरेली ले दिल्ली, बलामू ले शाहजहांपुर, पठानकोट ले जोगिंदरनगर, बठिंडा ले फिरोजपुर कैंट, अमृतसर ले पठानकोट, बनिहाल ले बारामूला अऊ पठानकोट ले उधमपुर रूट पर चलाय जवइया एक्सप्रेस ट्रेन सामिल हे।

बता देन कि अभी तक स्पेशल ट्रेन (Train) होय के सती आरक्षित टिकट म ही यात्रा करे के अनुमति हे, लेकिन 22 फरवरी ले चलइया अनारक्षित टिकिट के घोसना के बाद अब अनारक्षित टिकट ले यात्री सफर ल कर सकही। ए ट्रेन म मासिक पास ले यात्रा करे के अनुमति घलो दे जाही।