नक्सली लीडर गणपति ह हैदराबाद ले फोन करिस भूपेश बघेल ल

दुर्ग। चुनावी साल म अब कांग्रेस के बड़ नेता मन ल नक्सली होय के नाम ले फोन आय लगे हे। बीती रात म भूपेश बघेल ल आय फोन के लेकर एक नवा बात आघू आइस हे। बताये जात हे के भूपेश ह नक्सली लीडर गणपति ह हैदराबाद ले फोन करे रहिन । उमन ह फोन म भूपेश बघेल ले कहिन के पहिली मैं भाजपा ल सपोर्ट करे रहे हव, लेकिन अब कांग्रेस ल सपोर्ट करना चाहत हव हूं। येखर बर हमन आपले मिलना चाहत हन। कथित नक्सली ह भूपेश बघेल ले मिले बर घर आय के बात करिस हे। येखर बाद भूपेश बघेल ह कथित नक्सली के फोन नम्बर ल चेक करिस त पता चलिस के ये नम्बर कोनो गणपति के हे अउ ये कॉल हैदराबाद ले हे। भूपेश बघेल ह ये मामला म मौखिक सूचना दुर्ग एसपी संजीव शुक्ला ल दीस हे। येती फोन कॉल के बाद ले कांग्रेस खेमा म खलबली मच गेहे । बता दन के मामला म पुलिस विभाग ह कोनो आधिकारिक पुष्टि नइ करिस हे।
भूपेश बघेल ह बताइस के कल रात मोला एक नए नंबर ले फोन आय रहिस हे। फोन करइया ह मोला बताइस के मैं गणपति बोलत हवव अउ हैदराबाद ले फोन करत हवव। आघू वो ह कहिस के पहिली मैं ह भाजपा ल सपोर्ट कर रहे हव । लेकिन अब कांग्रेस ल सपोर्ट करना चाहत हव । ये ला राजनीतिक रंग देवत हुए भूपेश ह कहिस के ये तरह ले फोन आना कई ठन बात मन के ओर इशारा करत हे हे। भूपेश ह भाजपा सरकार उपर निशाना साधत हुए विधायक मन के सुरक्षा के मामला म कहिन के हमन त बहुत कुछ खोय हन। हमार पहली पंक्ति के नेता मन ल हमन खोये हन अउ बस्तर म कांग्रेस के विधायक मन ल वाय श्रेणी के सुरक्षा घलो नइ देय जात हे जे सरकार के काम करे के सैली ल दर्सात हे।