जय जोहार…. छत्तीसगढ़ म पिछिले 24 घंटा म कोरोना (corona) के 566 नवा मामला पाय गे हे। उहचे 515 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 6 संक्रमित मन के मौत हो गे हे।
राज्य म बीते 24 घंटा म जेन कोरोना (corona) के नवा मरीज मिले हे, ओमा रायपुर ले 111, रायगढ़ ले 64, दुर्ग ले 53, बिलासपुर ले 45, जांजगीर-चांपा ले 32, कोरबा ले 31, महासमुंद अऊ राजनांदगांव ले 26-26, बालोद ले 20, सरगुजा अऊ बलौदाबाजार ले 19-19, सूरजपुर ले 17, धमतरी ले 16, बेमेतरा ले 14, जशपुर अऊ कांकेर ले 13-13 मरीज शामिल हे।
बता देन कि प्रदेश म कोरोना (corona) संक्रमण के मामला ह बाढ़ के 2 लाख 93 हजार 178 हो गे हे। जेमा ले 6847 एक्टिव मामला हे। उहचे 2 लाख 82 हजार 760 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3551 लोगन मन के मौत हो गे हे।
No Comment! Be the first one.