जय जोहार…. (corona) प्रदेश म कोरोना संक्रमण के मामला ह सरलघा बाढ़त जावत हे। राज्य म सनिच्चर के कोरोना के 5818 नवा मरीज मिले हे। उहचे 1172 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 31 संक्रमित मन के मौत हो गे हे।
आज जेन कोरोना (corona) के नवा मरीज मिले हे, ओमा रायपुर ले 2287, दुर्ग ले 897, बिलासपुर ले 342, राजनांदगांव ले 341, महासमुंद ले 303, कोरबा ले 221, धमतरी ले 161, कबीरधाम ले 118, जशपुर ले 117, जांजगीर-चांपा ले 110, बालोद ले 102, गरियाबंद ले 101, कोरिया ले 96, सूरजपुर ले 88, कांकेर ले 87, रायगढ़ ले 84, बस्तर ले 80, बलौदाबाजार ले 76, बेमेतरा ले 67, सरगुजा ले 65, गौरेला-पेंड्रा-मरवाही ले 34, मुंगेली ले 33, बलरामपुर ले 23, कोंडागांव ले 9, दंतेवाड़ा अउ सुकमा ले 6-6, नारायणपुर ले 2, बीजापुर ले 1 मरीज सामिल हे।
बता देन कि प्रदेश म कोरोना (corona) संक्रमित मन के संख्या ह 3 लाख 63 हजार 796 हो गे हे। जेमा ले 36312 एक्टिव मामला हे। उहचे 3 लाख 23 हजार 201 मरीज मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 4283 मरीज मन के मौत हो गे हे।
No Comment! Be the first one.