Home ताजा समाचार दूरदर्शन के टीम म हमला करईया 6 नक्सली आईस पुलिस के सपड़...

दूरदर्शन के टीम म हमला करईया 6 नक्सली आईस पुलिस के सपड़ म.. तीन इनामी

88
0
6 Naxalites arrested

दंतेवाड़ा. जिला म अलग-अलग थाना इलाका म पुलिस ह सोमवार के 6 नक्सली मन ल गिरफ्तार करे म सफलता पाईस हे। पकड़ म आए नक्सली मन में से तीन के उपर इनाम घलो घोषित हे। साल 2018 म विधानसभा चुनाव के बेरा म मतदान केंद्र बनाए ल लेके भड़के नक्सली मन 16 जनवरी के कोसाली कैंप के तीर म यात्री बस ल आग के हवाले कर दे रिहिन। उहें उही साल 30 के चुनाव कवरेज म गे दूरदर्शन के टीम उपर हमला के घटना म घलो नक्सली मन शामिल रिहिस। ए हमला म दूरदर्शन के कैमरामैन के संग 2 जवान शहीद हो गे रिहन।

बता देन कि नक्सल विरोधी अभियान तहत अरनपुर थाना पुलिस अऊ डीआरजी के टीम बनाए गे रिहिस। ऐ टीम ह सोमवार के निलावाया क्षेत्र अऊ गीदम साप्ताहिक बाजार ले 3-3 नक्सली मन ल पकड़े गिस। पकड़े गे नक्सली मन कई आरोप अऊ नक्सली संगठन ले जुड़े हे। सभी नीलावाया, पोटाली, नहाड़ी ककाड़ी क्षेत्र म काम करत रिहिन। पुलिस टीम ह नीलवाया क्षेत्र से जनमिलीशिया सदस्य हुंगा कोर्राम, किशोर माड़वी अऊ सीएनएम सदस्य जोगी कोर्राम ल पकड़े हे। ऐमे ले हुंगा कोर्राम उपर एक लाख रुपया के इनाम घलो घोषित हे।

पकड़े गे नक्सली मन न्यूज कवरेज बर दिल्ली ले दूरदर्शन के टीम आए रिहिन। टीम ह निलावाया गांव ले डेढ़ किमी पहिली रोड म घात लगाके बईठे नक्सली मन फायरिंग कर दे। ऐ फायरिंग म टीम के सुरक्षा म लगे (पामगढ़) जिला जांजगीर निवासी एसआई रूद्रप्रताप सिंह व कोसली राहत शिविर म रहवईया सहायक आरक्षक मंगलू मंडावी शहीद हो गे रिहिन। उहें बलांगीर ओडिशा के रहवईया डीडी न्यूज के कैमरामैन अच्युतानंद साहू के मौत हो गे रिहिस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.