78 नगर निरीक्षक ह बनही डीएसपी, पदोन्नति बर ये प्रक्रिया ह होही अहम, जानव

जय जोहार…. पुलिस मुख्यालय ह 78 नगर निरीक्षक मन ल डीएसपी पद म पदोन्नति बर अभिमत मांगे हे। नगर निरीक्षक ल लेके जांच करे जाही। एमा सही पाय जाने म 78 नगर निरीक्षक ह डीएसपी बन जाही।

पदोन्नति के ए प्रक्रिया म संपत्ति के जानकारी अऊ विचारण के पात्र अधिकारी-कर्मचारी के विरुद्ध लंबित जांच के संगेसंग बीते पांच वर्ष म सजा के जानकारी ल मांगे जावत हे। एमा ले कुछु घलो प्रतिकूल पाय गिस त पदोन्नति नई होत। पीएचक्यू ह विचारण बर चयनित सब्बो अधिकारी मन के आवश्यक सेवा रिकार्ड म बिन्दुवार जानकारी ल तलब करे हे। जेखर बर अंतिम सूची ह तैयार होही, अऊ वे डीएसपी बन जाही।

उल्लेखनीय हे कि ए पदोन्नति बर वांछित जानकारी बर संबंधित विभागीय अधिकारी मन ल पहिला पत्र तीस अप्रैल के भेजे गे रहिस अऊ बेरा म जानकारी ल नई भेजे म पीएचक्यू ह नाराजगी जतात हुये 12 मई के फेर रिमांडर भेजे हे।