जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। बीते 24 घंटा म कोरोना के 90 हजार ले जादा नवा मरीज मिले हे। जबकि इलाज के दौरान 1016 लोगन मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक पिछिले 24 घंटा म कोरोना के 90802 नवा मामला दर्ज करे गे हे। एला मिला के कोरोना (corona) संक्रमित मन के संख्या ह बाढ़ के 42 लाख 4 हजार 614 पहुंच गे हे। जेमा ले 8 लाख 82 हजार 542 एक्टिव मामला हे।
उहचे 32 लाख 50 हजार 429 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 71642 लोगन मन के मौत हो गे हे।
No Comment! Be the first one.