जय जोहार। (chhattisgarh) प्रदेस म किसान ले समर्थन मूल्य म धान खरीदी के बाद अब कस्टम मिलिंग बर मिलर डहार ले तेजी के संग धान के उठाव करे जात हे। अब तक 98 लाख मीट्रिक टन ले जादा धान के उठाव ल करे गेहे, जबकि 103 लाख मीट्रिक टन ले जादा धान के उठाव बर डीओ जारी कर दे गेहे। प्रदेस के किसान मन ले ए बछर 107 लाख मीट्रिक टन ले जादा धान के खरीदी करे गेहे।
गौरतलब हे कि मुख्यमंत्री भूपेश बघेल के पहल म पिछले बछर के तर्ज म ए बछर घलो धान खरीदी के संगेसंग कस्टम मिलिंग बर उपार्जन केन्द्र ले धान के उठाव सुरू करे गे रिहीन, जेखर सेती राज्य सरकार ल परिवहन व्यय म काफी कमी आइन हे । एखर संग ही धान खरीदी के बाद धान उठाव के प्रक्रिया ले घलो निजात मिले हे । राज्य सरकार डहार ले ए बछर 23 लाख 82 हजार ले जादा किसान ले 31 जनवरी 2023 तक 107.53 लाख मीट्रिक टन धान के खरीदी करे गेहे।
किसान मन ल धान खरीदी के एवज म भुगतान बर बैंक लिकिंग व्यवस्था के तहत मार्कफेड डहार ले अपैक्स बैंक ल 22 हजार 67 करोड़ रुपिया जारी करे गेहे । अब तक कुल धान खरीदी 107.53 लाख मीट्रिक टन म ले कस्टम मिलिंग बर 103 लाख मीट्रिक टन ले जादा धान के उठाव बर डीओ जारी करे गेहे , जेखर विरूद्ध मिलर डहार ले 98 लाख मीट्रिक टन ले जादा धान के उठाव ल कर ले गेहे ।
Other Articles
CM Bhupesh Baghel ह डॉ. रामचंद्र सिंहदेव के प्रतिमा के करीन अनावरण
No Comment! Be the first one.