रायपुर । जनता कांग्रेस छत्तीसगढ़(जे) के खेत चलो अभियान के सुरुआत सोमवार के पार्टी सुप्रीमो अजीत जोगी ह करिन। उमन ह राजधानी रायपुर ले लगे मुजगहन गांव म पहुंचके अभियान के सुभारंभ करिन। मुजगहन गांव के खेत मन म पहुंचके जोगी ह किसान मन के मदद करिन हे। ये दउरान गांव के सरपंच संदीप यदु ह जोगी ल बासी, प्याज अउ चटनी भेंट कर के उंखर सम्मान करिन। जेला जोगी ह किसान मन के संग खेत म खाइस। ये बेरा म उमन ह किसान मन ल अपन पार्टी के चुनाव चिन्ह बतात हुए पार्टी के योजना घलो बताइस।
मुजगहन म खेत चलो अभियान के सुरुआत करत हुए जोगी ह बासी के संग रखिया बड़ी, प्याज, आचार के आनंद लिस हे। बता दन के किसान खेत मन म काम करत हुए मझनिया के बेरा म बासी ल मुख्य तउर म खाथे। जोगी ह गांव म धान के रोपा लगाइस अउ कहिन के किसान मोर भाई हे। मैं हमेसा ले उंखर संग हव । प्रदेम म किसान मन के हालत बदतर हो चुके हे। 15 बछर के रमन राज म कई किसान मन के मउत होइस हे।
बहू देही मुख्यमंत्री ल टक्कर
मुख्यमंत्री रमन सिंह के निरवाचन क्षेत्र राजनांदगांव म सबले जादा किसान मन के मउत होइस हे। जोगी ह कहिन के बहू ऋचा जोगी राजनांदगांव प्रभारी के रूप म काम करही। अब चुनाइ मइदान म एक महिला मुख्यमंत्री रमन सिंह ल टक्कर देही। उंम कहिन के हमार सरकार आत ही किसान मन के धान के समरथन मूल्य 2500 रुपिया कर दे जाही। जोगी कांग्रेस किसान अउ गरीब मन के पार्टी हे।
29 जुलाई तक ‘खेत चलो’ अभियान
