weather : प्रदेश के ए 5 जिला म हो सकत हे बारिश, मौसम विभाग ह जारी करिन येलो अउ ऑरेंज अलर्ट, पढ़व

जय जोहार…. (weather ) छत्तीसगढ़ म मौसम ह फेर बदल सकत हे। प्रदेश के 5 जिला म बारिश हो सकत है, एला लेके मौसम विभाग ह येलो अउ ऑरेंज अलर्ट जारी करे हे। ये अलर्ट ल बिलासपुर, दुर्ग, बस्तर, सरगुजा अउ रायपुर संभाग बर जारी करे गे हे।

मौसम (weather ) विभाग के मुताबिक एक निम्न दाब के क्षेत्र ह उत्तर पश्चिम बंगाल के खाड़ी अउ ओखर ले लगे उत्तरी ओड़िसा तट अउ पश्चिम बंगाल तट के ऊपर हे, जेन जादा प्रबल होके पश्चिम-उत्तर-पश्चिम दिशा म आगू बाढ़ते हुये ओड़िसा, झारखंड अउ उत्तर छत्तीसगढ़ के तरफ आगू बाढ़ सकत हे।

एक द्रोणिका ह दक्षिण पंजाब ले निम्न दाब के केंद्र तक हरियाणा, उत्तर-पश्चिम उत्तर प्रदेश, उत्तर-पूर्व मध्य प्रदेश, उत्तर छत्तीसगढ़ अउ झारखंड होवत 1.5 किलोमीटर ऊंचाई तक है. जेखर प्रभाव ले (weather ) प्रदेश के कई स्थानों म हल्की ले मध्यम वर्षा होय अथवा गरज चमक के संग छींटे पड़े के संभावना हे। कुछु जगह म मध्यम ले भारी वर्षा होय के संभावना घलो हे।