जय जोहार। (mahasamund) प्रेसिडेंट इन काॅऊंसिल के बइठक म नगर पालिका परिसद के आय ल बढ़ाय बर सर्व मांगलिक भवन अउ टाऊन हॉल ल निजी हाथ म सौंपे के सहमति ल हरी झंडी दे दे गेहे। उहें पालिका अब संजय कानन गार्डन अउ गुरु गोविंद सिंह गार्डन ल नो प्रोफिट नो लाॅस के तहत निजी हाथ म दे जाही ।
संगेसंग (mahasamund) नगर पालिका परिसद स्थित शटर लगे एक ठीन दुकान ल कैंटीन बर ठेका म दे जाय के निर्णय ल सर्व सम्मति ले पास करे गेहे । ए सबो के रख रखाव म नगर पालिका ल सालाना करीबन 40 लाख रुपिया व्यय करे ल पड़त हे । पालिका के आय बढ़ाय के संग ख़र्च ल कमती करे के निर्णय ले गेहे, ए सबो निर्णय ल परिसद के बइठक म अनुमोदन बर रखे जाही ।
अध्यक्ष सभा कक्ष म सोमवार के नगर पालिका अध्यक्ष प्रकाश चंद्राकर के अध्यक्षता म प्रेसिडेंट इन काॅऊंसिल के बइठक होइन हे । जेमा सभापति अउ पार्षद माधवी सिक्का, संदीप घोष, देवीचंद राठी, मनीष शर्मा, रिंकू चंद्राकर, मुन्ना देवार, सीएमओ आशीष तिवारी समेत सबो विभाग प्रमुख मौजूद रिहीन । ए बइठक म 35 एजेंडा ल रखीन।
अध्यक्ष अउ पीआईसी सदस्य मन ह नगर पालिका परिसद के माली हालत ल देखत हुये सर्व मांगलिक भवन अउ टाऊन हॉल ल निजी हाथ म देके निर्णय लेहे । दूनों भवनों ल जेन ल दे जाही, ए भवन के रख रखाव अउ सबो मेंटेनेंस ओखर डहार ले करे जाही। उहें बागबाहरा रोड म संजय कानन उद्यान अउ गुरु गोविंद सिंह गार्डन ल घलो नो प्रोफिट नो लाॅस के तर्ज म दे जाही ।नगर पालिका परिसद स्थित शटर् लगे एक ठीन दुकान के तौर म ठेका म कैंटीन बर अउ दुनो गार्डन म कैंटीन सायकल स्टैंड ल घलो ठेका म दे जाय के निर्णय ले गेहे।
No Comment! Be the first one.