जय जोहार। (chhattisgarh ) राज्योत्सव के संग ही खरीफ विपणन बछर 2022-23 म प्रदेस के पंजीकृत किसान मन ले 1 नवम्बर ले समर्थन मूल्य म धान खरीदी के काम प्रारंभ होही । ए बछर लगभग 110 लाख मीट्रिक धान के उपार्जन अनुमानित है, जेखर बर किसान मन ले नवा पंजीयन अउ पंजीकृत फसल/रकबा म संशोधन 1 जुलाई 2022 ले प्रारंभ हे जेन 31 अक्टूबर 2022 तक चलही । चालू खरीफ विपणन बछर बर अब तक 24 लाख 62 हजार किसान मन के पंजीयन हो चुके हे । ए बछर 60 हजार 878 नवा किसान मन ह पंजीयन कराइन हे । नवा पंजीयन अउ संशोधन काम 31 अक्टूबर तक चलही ।
(chhattisgarh ) खाद्य विभाग के सचिव टोपेश्वर वर्मा ह बताइन कि मुख्यमंत्री भूपेश बघेल के घोसना के अनुरूप खरीफ विपणन बछर 2022-23 बर एक नवम्बर 2022 ले धान ,खरीदी सुरु हो जाही । किसान मन ले सुगमता पूर्वक धान खरीदी बर राज्य सासन डहार ले सबो आवश्यक तैयारी अउ व्यवस्था कर ले गेहे । धान खरीदी के संग सरलग मानीटरिंग घलो करे जाही ।
वोहा बताइन कि 24.05 लाख किसान मन ह गत खरीफ बछर ले कैरी फॉरवर्ड अउ 60878 किसान मन ह नवा पंजीयन अइसने 24.62 लाख किसान मन के पंजीयन करे गेहे । प्रदेस म ए बछर लगभग 30.25 लाख हेक्टे. रकबा के गत खरीफ बछर ले कैरी फारवर्ड अउ 0.49 लाख हेक्टेयर रकबा के नवा पंजीयन के संग 30.44 लाख हेक्टेयर रकबा पंजीयन होइन हे ।
Other Articles
