Home ब्रेकिंग न्यूज अऊ बाढ़गे लॉकडाउन , २८ के बजाय ६ अगस्त तक रही सक्रीय...

अऊ बाढ़गे लॉकडाउन , २८ के बजाय ६ अगस्त तक रही सक्रीय , सीएम बैठक म होईस फैसला

1455
0
अऊ बाढ़गे लॉकडाउन , २८ के बजाय ६ अगस्त तक रही सक्रीय , सीएम बैठक म होईस फैसला

जय जोहार रायपुर… राजधानी रायपुर म २८ जुलाई के खत्म होय वाला लॉकडाउन अब ६ अगस्त तक रही , ये जानकारी सीएम हाउस के बैठक के बाद दे गिस हे , बता दन कि पहिली सात दिन के लॉक डाउन कोरोना के बढ़त संक्रमण ल देख के ले गे रिहिस लेकिन सात दिन के लॉकडाउन में कोई फर्क नई पडिस बल्कि अऊ जादा पोजिटिव मिलत रिहिस , बढ़त संक्रमण ल देख के ये निर्णय ले गिस हे ,

बता दन कि सरकार के पास अऊ कोई विकल्प नई होय के कारण लॉक डाउन ल बढाय के बात म मुहर लगाय गे हे , प्रदेश समेत राजधानी म लगातार संक्रमण बढ़त जात हे , शासन अऊ प्रशासन एखर चेन तोड़े अऊ संक्रमण ल रोके के भरसक प्रयास म लगे हे लेकिन सकरात्मक रिजल्ट नई मिले के कारण अऊ सात दिन के लॉक डाउन घोषित कर दे गे हे , अब देखना हे कि सरकार द्वारा घोषित ये लॉकडाउन २ ले कोरोना उपर कतना काबू पाय जाथे.

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.