धमतरी। धमतरी म पुलिस अधीक्षक ह रक्षित केंद्र के आज वार्षिक निरीक्षन करिस, ये दउरान कीट अउ परेड के जायजा लिस हे। जेन अधिकारी अउ करमचारी मन के उत्तम वेशभूषा पाए गिस ओला पुरस्कार दिस अउ जेखर मन के वेशभूषा ठीक नई पाए गिस ओला दण्डित करिस हे। रक्षित केंद्र के सब्बो वाहन के रख रखाव ल देखिस हे अउ वाहन ल साफ सुथरा रखे बर निरदेशित करिस। परेड निरीक्षन के बाद सब अधिकारी, करमचारी के दरबार लिस, जेमा ओखर मन के समस्या ल सुन के तुरंत निराकरण करे बर निरदेशित करिस हे, ऐखर बाद सबो शाखा के घलो निरीक्षन करिस। निरीक्षन परेड म के.पी.चंदेल अतिरिक्त पुलिस अधीक्षक धमतरी, पंकज पटेल उप पुलिस अधीक्षक मुख्यालय धमतरी, आर.के.मिश्र अनु.अधिकारी पुलिस कुरूद , पी.एस. महिलाने पुलिस अधीक्षक अजाक धमतरी, के देव राजू रक्षित निरीक्षक धमतरी, थाना प्रभारी धमतरी, थाना प्रभारी अर्जुनी शामिल रिहिस हे।
No Comment! Be the first one.