जय जोहार। छत्तीसगढ़ सासन डहार ले खरीफ विपणन बछर 2022-23 म किसान मन ले समर्थन मूल्य म अरहर, उड़द अउ मूंग के खरीदी करे जाही जाएगी। एखर उपार्जन छत्तीसगढ़ राज्य सहकारी विपणन संघ मार्कफेड के माध्यम ले करे जाही । किसान मन ले अरहर अउ उड़द 6600 रुपिया, मूंग के खरीदी 7755 रुपिया प्रति क्विंटल के दर ले करे जाही।
उड़द अउ मूंग के उपार्जन 17 अक्टूबर 2022 ले 16 दिसम्बर 2022 तक अउ अरहर के उपार्जन 13 मार्च 2023 ले 12 मई 2023 तक के अवधि म करे जाही । गोदाम अउ भण्डारण के सुविधा 25 कृषि उपज मंडी ल अरहर, मूंग अउ उड़द के खरीदी बर उपार्जन केन्द्र के रूप म चिन्हांकित करे गेहे।
कृषि विकास-किसान कल्याण अउ जैव प्रौद्योगिकी विभाग मंत्रालय डहार ले राज्य म अरहर, उड़द अउ मूंग फसल के न्यूनतम समर्थन मूल्य म उपार्जन बर विस्तृत दिसा-निर्देस सबो संभागायुक्त, कलेक्टर सहित मार्कफेड अउ मंडी बोर्ड ल जारी करे गेहे। उपार्जन केन्द्र म आवश्यक भौतिक संसाधन, उपकरण अउ मानव संसाधन के व्यवस्था ल मार्कफेड डहार ले करे जाही ।
25 ठीन मंडी म होही खरीदी – राज्य म भाटापारा, गरियाबंद, महासमुन्द, बसना, दुर्ग, बेमेतरा, राजनांदगांव, खैरागढ़ डोंगरगढ़, गंडई, कवर्धा, पण्डरिया, मुंगेली, लोरमी, सक्ती, रायगढ़, अंबिकापुर, सूरजपुर, रामानुजगंज, जशपुर, कोण्डागांव, केशकाल, नारायणपुर, सम्बलपुर, पखांजूर कृषि मंडी म अरहर, मूंग अउ उड़द के खरीदी समर्थन मूल्य म होही ।
