Sunday, April 11, 2021
Home ताजा समाचार Chhattisgarh: दुर्ग म थल सेना भर्ती रैली ह 3 मार्च ले होही...

Chhattisgarh: दुर्ग म थल सेना भर्ती रैली ह 3 मार्च ले होही सुरू, पढ़व

जय जोहार…. (Chhattisgarh) दुर्ग के पंडित रविशंकर शुक्ल स्टेडियम म 3 मार्च ले 12 मार्च तक थल सेना भर्ती रैली के आयोजन करे गे हे। ए संबंध म पत्रकार वार्ता म कलेक्टर डॉ सर्वेश्वर नरेंद्र भुरे ह हरेक पहलू म विस्तार ले चर्चा करिन।

कलेक्टर ह बताईस कि थल सेना भर्ती रैली के आयोजन ल पूरा पारदर्शिता के संग करे जाही। एखर सती परीक्षार्थी ल कोनो अफवाह म धियान नई देना चाही। पत्रकार वार्ता के दौरान कर्नल एस रमेश सेना घलो उपस्थित रिहिन।

(Chhattisgarh) पत्रकार वार्ता म बताय गे हे कि ए भर्ती रैली के संबंध म पूछताछ बर कंट्रोल रूम जिला रोजगार कार्यालय, दुर्ग म स्थापित करे गे हे। जेखर दूरभाष नंबर 0788-2320001 ह 24 घंटा संचालित रही। अभ्यर्थी मन ल उपस्थिति तारिख के सूचना ल भेजे जा चुके हे। ओ हा नियत तारिख के रात्रि 12 बजे अपन भर्ती रैली स्थल म उपस्थिति देही।

(Chhattisgarh) अभ्यर्थी मन बर भर्ती स्थल म नोटरी अऊ फोटोग्राफर के व्यवस्था रही। भर्ती स्थल म पार्किंग के व्यवस्था करे गे हे। थल सेना भर्ती रैली म प्रदेश के 28 जिला ले रोजाना करीब 5 हजार अभ्यर्थी उपस्थित होही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments