जय जोहार रायपुर…. छत्तीसगढ़ विधानसभा अध्यक्ष डॉ. चरणदास महंत ह आज गुरुवार के राजधानी रायपुर स्थित अखिल भारतीय आयुर्विज्ञान संस्थान (एम्स) पहुंचिस। ए दौरान विस अध्यक्ष डॉ. महंत ह कटघोरा के संक्रमित मन ले हाल चाल जानिस। ऊहचे डॉ. महंत ह रायपुर एम्स के डायरेक्टर डॉ. नितिन नागरकर के संग मुआयना करत हुए कोरोना संक्रमित मन के इलाज के तैयारी, उपचार ल लेके चर्चा घलो करिन।
विस अध्यक्ष डॉ. महंत ह कहिन कि कोरोना संक्रमण ले आज समूचा विश्व ह परेशान हे। मानव जीवन म उत्पन्न ए समस्या ह विकराल रूप ले चुके हे। हजारों लोग मन ल जान गंवाना पड़े हे, त लाखों लोग संक्रमित हे, जेन जीवन मृत्यु के जंग लड़त हे। भारत घलो अछूता नई हे। छत्तीसगढ़ म अन्य राज्य मन के अपेक्षा हालात तुलनात्मक बेहद अच्छा हे। मुख्यमंत्री भूपेश बघेल, स्वास्थ्य मंत्री टीएस सिंहदेव अऊ चिकित्सक मन के तरफ ले उठाए गे ऐतिहातन निर्णय ले अब तक 17 लोग स्वस्थ होके अपन घर लहुट चुके हे।
No Comment! Be the first one.