रायपुर । टीएस बाबा ले विवाद के खबर ल पीसीसी अध्यक्ष भूपेश बघेल ह बीजेपी के साजिस करार दिस हे। नेता प्रतिपक्ष टीएस सिंहदेव ले तकरार के खबर मन के बीच म दिल्ली ले रायपुर लउटे बघेल ह विवाद के अटकल मन ल खारिज करिन। भूपेश ह बताइन के वो पहिली ले तय मीटिंग म भाग ले बर दिल्ली गे रहिन हे, जेमा मोला अउ टीएस बाबा ल सामिल होना रिहिस हे। ये मीटिंग ह कैंसिल होगे। मीटिंग कैंसिल होय के बाद मैं ह पीएल पुनिया के घर चले देव। पूनिया ह प्रदेश प्रभारी हे क उंखर औ रमोर बीच म राजनैतिक चरचा होइस हे। बघेल के मुताबिक पुनिया के घर ले भोजन करके वो ह सीधा एयरपोर्ट ले रायपुर पहुंचिन। भूपेश ह ने बताइन के रमन सिंह अउ सरकार ल जवाब देवत नइ बनत हे। येकर ले ये खबर ल प्लांट करवाय रिहिन हे। उमन बताइन के टीएस बाबा साहब ले आज के संबंध नो हय। अब्बड़ पुराना संबंध हे। आपको बतादन नेता प्रतिपक्ष टीएस सिंहदेव ह घलो दूनों के बीच म विवाद के बात मन ल खारिज करिन।
