जय जोहार। कई ठीन टेलीविज़न चैनल म क्रिएटिविटी का हुनर साबित करे के बाद छत्तीसगढ़ (chhattisgarh ) के रहवइया शंकर बोस ह फिलीम निर्माण के क्षेत्र म नवा कदम बढ़ाइन हे। 11 जून के एक ठीन नवा थ्रिलर बंगाली फिलीम आस्टारन (Aastaran) अवइया हे। ए फिलीम के प्रीमियर नई दिल्ली के चाणक्यपुरी के CSOI ऑडिटोरियम म 11 जून के दोपहर 1:30 बजे होही।
गैर बंगाली दर्शक मन ल धियान म रखत हुये फिलीम म इंग्लिश म सब टाइटल घलो हे। फिलीम म देबमाल्या रॉय, देबश्री चैटर्जी, समीक भट्टाचार्या, सौरभ मुखर्जी,प्रबीर चैटर्जी, शांतनु बोस मुख्य किरदार निभावत हे। एंपली 5 प्रोडक्शन के बैनर तले बने ए फिलीम म शंकर बोस एग्जीक्यूटिव प्रोडूसर के भूमिका म हे ।
आप मन ल बता देन कि शंकर बोस ह कई ठीन बड़का राष्ट्रीय अउ अंतराष्ट्रीय ब्रांड के विज्ञापन बर काम कर चुके हे। 11 जून के होवइया प्रीमियर के बाद फिलीम ल Ampli5 प्रोडक्शन के ऑफिसियल यूट्यूब चैनल म रिलीज करे जाही। 11 जून के नई दिल्ली के चाणक्यपुरी म होवइया प्रीमियर म बंगाली समुदाय के नागरिक मन ल आमंत्रित करे गेहे।
No Comment! Be the first one.