जय जोहार…. (Congress) गंगाजल ल लेके दे गे विवादित बयान के कांग्रेस ह कड़ा निन्दा करे हे। प्रदेश कांग्रेस संचार विभाग के अध्यक्ष शैलेश नितिन त्रिवेदी ह कहिन कि पूर्व मंत्री भाजपा नेता ह राजनीतिक हताशा के दौर ले गुजरत हे। कांग्रेस नेता मन ह गंगाजल नई नाली के पानी लिये रिहिन कह के गंगाजल ल अपमानित कर धार्मिक आस्था ल ठेस पहुंचाय के काम घलो भाजपा ह करे हे, जेखर कांग्रेस ह निन्दा करत हे।
प्रदेश कांग्रेस (Congress) संचार विभाग के अध्यक्ष शैलेश नितिन त्रिवेदी ह कहिन कि गंगाजल हाथ म लेके त कांग्रेस के 15 नवंबर 2018 के ले गे पत्रकार वार्ता म कर्ज माफी के वादा करे गे रिहिन। छत्तीसगढ़ के 20 लाख किसान परिवार मन ल 11 हजार करोड़ रुपया के कर्ज माफी के लाभ मिले हे।
भाजपा अऊ भाजपा नेता मन ल कांग्रेस (Congress) के जन कल्याणकारी सरकार के मुखिया भूपेश बघेल के विरोध म बोले के अवसर नई मिल पावत हे। प्रदेश कांग्रेस संचार विभाग के अध्यक्ष शैलेश नितिन त्रिवेदी ह कहिन कि गंगाजल ल हाथ म लेके किसान मन के कर्जमाफी के वादा ल न केवल कांग्रेस सरकार ह निश्चित समय ले पहिले पूरा करे हे, बल्की घोसनापत्र के आन वादा ल घलो पूरा करे हे।
Other Articles
No Comment! Be the first one.