जय जोहार । (chhattisgarh) छत्तीसगढ़ सरकार डहार ले राज्य के मनखे मन ल राहत पहुंचाय के उद्देश्य ले भूमि के बाजार मूल्य के दर म अब 40 प्रतिसत तक के छूट दे जाय के आदेश जारी करे गेहे । भूमि के खरीदी म ए बिसेस छूट का लाभ ल राज्य के मनखे मन ह 31 मार्च 2022 तक उठा सकही । एखर पूर्व गाइड लाइन के दर म 30 प्रतिसत के छूट ल दे जावत रिहीन ।
गौरतलब हे कि (chhattisgarh) मुख्यमंत्री भूपेश बघेल के अध्यक्षता म एक फरवरी के आयोजित केबिनेट के बइठक चालूम वित्तीय बच्छर 2021-22 के शेष अवधि बर मार्केट वेल्यू गाइड लाइन के दर ल 30 प्रतिसत के स्थान म 40 प्रतिसत करे जाय के निर्णय ले गेहे ।
केबिनेट के ए निर्णय के परिपालन म वाणिज्यिक कर पंजीयन विभाग मंत्रालय डहार ले आज 7 फरवरी के गाइड लाइन दर म 40 प्रतिसत के छूट दे जाय के आदेश ल विधिवत जारी करे गेहे । (chhattisgarh) जारी आदेस के तहत नगर निगम अउ ओखर निवेस क्षेत्र के संपत्ति के मामला म मार्केट वेल्यू गाइड लाइन के दर ल वित्तीय बच्छर 2021-22 के शेष अवधि बर 30 प्रतिसत के स्थान म 40 प्रतिसत के छूट दे गेहे ।
No Comment! Be the first one.