जय जोहार रायपुर… सात साल पहिली झीरम घाटी के हमला म कांग्रेस पार्टी के प्रथम पंक्ति के नेता मन शहीद होय रिहिस , छत्तीसगढ़ म कोनो राजनैतिक पार्टी ऊपर ये पहिली नक्सली हमला रिहिस जेमा बड़े बड़े नेता मन के जान गे रिहिस , घटना ल सात साल बीते के बाद भी एन आई ए के जांच रिपोर्ट अप्राप्त हे .
एती प्रदेश म कांग्रेस सरकार बने के बाद एस आई टी के गठन करे गिस जेन ल झीरम घटना के पारदर्शी जांच करना रिहिस लेकिन कांग्रेस के आरोप हे कि केंद्र म बईठे मोदी सरकार ह राज्य के एस आई टी के जांच ल रोक दिस अऊ ये कहिके दस्तावेज उपलब्ध नई कराईस कि ये जांच एन आई ए ह करत हे .
अब कांग्रेस पार्टी के बड़े नेता मन के संग विधायक अऊ पूर्व महापौर ह पूर्ववर्ती भाजपा सरकार ऊपर एस आई टी जांच ल रोके के आरोप लगात हे , विधायक विकास उपाध्याय ह किहिस कि भाजपा झीरम के सच ल उजागर नई होवन देना चाहत हे काबर कि ये घटना म ऊंखर मन के संलिप्तता हावे .
No Comment! Be the first one.