जय जोहार…. पूर्व सीएम रमन सिंह के बयान म प्रदेश कांग्रेस (Congress) संचार विभाग के अध्यक्ष शैलेश नितिन त्रिवेदी ह कहिन कि मुख्यमंत्री भूपेश बघेल सरकार के 20 महिना के जनकल्याणकारी कार्य के बाद भाजपा नेता मन करा मुद्दा नई हे। भाजपा के नेता अस्तित्व के लड़ाई लड़त हे। राजनीतिक हताशा के दौर ले गुजरत भाजपा ह अब राजभवन ल आड़ ले के ऊंचा राजनीति करत हे।
प्रदेश कांग्रेस (Congress) संचार विभाग के अध्यक्ष शैलेश नितिन त्रिवेदी ह कहिन कि विधानसभा चुनाव म मिले हार के बाद भाजपा के कार्यकर्ता, भाजपा के नेता मन के नेतृत्व म सवाल उठत हे। अईसे म भाजपा के केन्द्रीय नेतृत्व ह राजभवन के गरिमा के विपरीत जा के मुख्यमंत्री भूपेश बघेल सरकार के छवि ल खराब करे के षड्यंत्र रचत हे।
पूर्व सीएम रमन सिंह ह सत्ता के मद म 15 साल राजनैतिक गरिमा ल तार-तार करत रिहिन। मुख्यमंत्री रहत हुये जेखर घर के पता म विदेशी खाता हो अऊ जे मन ह ओखर जांच तक ल नई होवन दिस। हर स्तर म जांच ल बाधित करिन। (Congress) अईसे रमन सिंह ल गरिमा, शिष्टाचार अऊ सदाचार के बात करना शोभा नई देवत हे।
No Comment! Be the first one.